Partia Demokratike e konsideron vendimin e SPAK-ut që shpalli moskompetencën për dosjen 184 si një minë për besimin e opinionit te Reforma në Drejtësi.<br /><br />Gjatë një konference për shtyp këtë të mërkurë, ish-deputeti Enkelejd Alibeaj deklaroi se drejtuesi i Prokurorisë së Posaçme, Arben Kraja, ka vepruar kundër interesave të Shqipërisë.<br /><br />?Vendimi i tij i paligjshëm dhe politik për të mos hetuar krimin e rëndë të vjedhjes së zgjedhjeve në Dibër i shërben kreut të grupit të strukturuar kriminal, Edi Rama, i cili urdhëroi masakrën elektorale të Dibrës 3 vjet e gjysmë më parë. Ky është një nga ato vendime që minojnë besimin e opinionit publik tek reforma në drejtësi, për të cilën janë hedhur miliona euro dhe dollarë për t?i dhënë fund pandëshkueshmërisë së zyrtarëve në nivele të larta. Duke mos lejuar SPAK-un të hetojë skemën e vjedhjes së zgjedhjeve në Dibër, duke mos lejuar të zbulohet zyrtarisht cili ishte roli i Edi Ramës, çfarë detyre i dha Damian Gjiknurit, sa para hodhën në fushatë për blerjen e votës dhe frikësimin e votuesve, cili është burimi i këtyre parave, cilat ishin grupet e drogës që përfshiu në zgjedhje Partia Socialiste, Arben Kraja ka vepruar kundër interesave të Shqipërisë?.<br /><br />Sipas Alibeajt, Kraja mashtron për llogari të Ramës, pasi SPAK është ngritur me një qëllim të vetëm, që të çojë para drejtësisë politikanët që shkelin ligjin.<br /><br />Me këtë vendim, sipas Alibeajt, SPAK është në rrezik që të kthehet në një shtojcë të qeverisë.<br /><br />?Politikisht, Partia Demokratike shpreh keqardhjen që, për shkak të drejtuesit të saj, shërbëtor të Edi Ramës, SPAK-u ka marrë një goditje të rëndë në imazhin si organ i pavarur. Partia Demokratike e ka bërë të qartë prej fillimit se ajo nuk do të paragjykojë punën e këtij organi, i cili është i vetmi nga organet e reja të drejtësisë që ne kemi votuar me garancinë e partnerëve tanë. Partia Demokratike ka paralajmëruar gjithashtu, se dosjet 339 dhe 184 për shitblerjen e votave janë një nga testet e mëdha, nëse do të kemi apo jo SPAK të vërtetë, siç e presin shqiptarët. Me vendimin për të refuzuar hetimin e dosjes 184, Arben Kraja, tregoi se SPAK është në rrezik të kthehet në një shtojcë të partisë në pushtet dhe kryeministrit të vendit, duke dëmtuar rëndë imazhin, integritetin dhe besimin e shqiptarëve tek Prokuroria e Posaçme Antikorrupsion?.<br /><br />Prokuroria e Dibrës ia delegoi me 22 Janar dosjen 184 SPAK-ut. Por vetëm një javë pasi u shqyrtuan materialet në këtë Prokurori, çështja u rikthye sërish në Dibër dhe SPAK-u shpalli moskompetencë për çështjen, që u bë e njohur pas publikimit të disa përgjimeve nga gazeta gjermane BILD, ku dëgjoheshin funksionarë të lartë të Partisë Socialiste të cilët komunikonin me zyrtarë, biznesmenë dhe policinë lokale mbi rezultatin e zgjedhjeve./tvklan.al
