#rtvora #oranews<br /><br />Kush e shkeli Kushtetutën, Presidenti apo Kuvendi? Për këtë arsye Komisioni i Venecias do të ballafaqojë Presidentin Ilir Meta dhe mazhorancën për Gjykatën Kushtetuese në seancën plenare të 20 marsit të këtij viti.<br /><br />Pasi ka administruar pyetjet e Kuvendit, të cilat kërkojnë ta cilësojnë antikushtetuese dekretin e Kreut të Shtetit për anëtaren e Kushtetueses Marsida Xhaferllari, tashmë Venecia ka pranuar edhe kërkesën prej 64 faqesh të Ilir Metës.<br /><br />Në pyetjet drejtuar këtij institucioni ndërkombëtar, Presidenti akuzon Parlamentin dhe kreun e KED-së Ardian Dvoranin se kanë shkelur Kushtetutën për emërimin e dy anëtareve të tjera të Kushtetueses Elsa Toska dhe Fiona Papajorgji.<br /><br />Pavarësisht argumentave me shkrim nga dy institucionet shqiptare, një përfaqësi nga Venecia pritet të vizitojë Tiranën me 13-14 shkurt, për të dëgjuar ballë për ballë të gjitha palët e përfshira në çështjen e ngritjes së Kushtetueses.<br /><br />Delegacioni përveç Ilir Metës, Kreut të Kuvendit dhe Komisionit Hetimor, do të dëgjojë edhe versionin e drejtuesit të KED, Ardian Dvorani.<br /><br />Pas kësaj vizite do të ketë edhe një raport paraprak për vendin tonë, ndërkohë që me 20 mars do të mbahet edhe seanca plenare me dyer të mbyllura e Komisionit të Venecias.<br /><br />Në këtë seancë përfaqësuesit e Presidencës dhe të Kuvendit do të arsyetojnë kërkesën e tyrë përpara zyrtarëve të këtij Komisioni dhe në fund të këtij takimi do të ketë edhe një raport përfundimtar për t?i dhënë zgjidhje debatit institucional për Gjykatën Kushtetuese.<br /><br />Por mazhoranca në këtë seancë plenare nuk do të përballet vetëm me Kreun e Shtetit, por edhe me Këshillin e Europës, jo për Kushtetuesen, por për paketën antishpifje.<br /><br />Nga 6 çështja që Komisioni do të diskutojë në seancën e 20 marsit, për 3 prej tyre i takojnë vendit tonë, për të cilat kërkohet një opinion nga Komisioni i Venecias.<br /><br />Për më shumë lexoni në: https://oranews.tv/article/emerimet-ne-kushtetuese-venecia-do-dale-me-nje-opinion-meten-e-kuvendin<br /><br />Follow RTV Ora<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp
