Duke komentuar rastin e rrëmbimit të Jan Prengës për shkak të larjes së hesapeve mes bandave shqiptare për aktivitetin e paligjshëm në vendet e BE-së, ish-ministri i Drejtësisë Ylli Manjani ka treguar sa shqiptarë vuajnë dënimin në burgjet jashtë vendit.<br /><br />I ftuar në emisionin ?Opinion? në Tv Klan, Manjani theksoi se janë rreth 5 mijë shqiptarë që vuajnë dënimin me burg për vepra të ndryshme penale jashtë Shqipërisë, kryesisht në Itali dhe Greqi.<br /><br />Sipas tij, grupet kriminale shqiptare janë përfshirë kryesisht në trafikun e lëndëve narkotike, dhe për të hyrë në këtë treg informal, veprojnë me agresivitet. <br /><br />?Diku tek 5 mijë shtetas shqiptarë janë në burgje jashtë Shqipërisë. 5800 i kemi në burgjet në Shqipëri.<br />Në Greqi dhe Itali kemi shumicën e shqiptarëve, rreth 2 mijë për secilin shtet. Pastaj Anglia dhe Gjermania, vonë ka dalë Holanda. Për të hyrë në tregje informale, siç është tregtia e drogës, sigurisht do të hysh me agresivitet, kjo është specifika pse shqiptarët bëhen të rrezikshëm.<br /><br />Ka dhe një mendjelehtësi mes nesh, që ku ka punë me lekë ne nuk pyesim. Kjo është tipologjia e shqiptarëve dhe këtë analizë e kishin bërë britanikët. Kjo është pak a shumë arsyeja pse ky lloj krimi, trafiku i drogës, në vitit e fundit është mbizotërues. Ky trafik funksionon në shtete me popullsi të madhe. Shqipëria është vend tranzit. Synohen tregje të ngritura. Aty krijohen dhe paratë e mëdha?, u shpreh ish-ministri Ylli Manjani.
