વડોદરાઃવડોદરા શહેરના નવાયાર્ડ વિસ્તારમાં છેલ્લા 6 મહિનાથી દૂષિત પાણીની સમસ્યાથી ત્રસ્ત સ્થાનિક મહિલાઓએ આજે માટલા ફોડીને પોતાનો રોષ વ્યક્ત કર્યો હતો અને દૂષિત પાણીથી 13 વર્ષની બાળકીનું મોત થયું હોવાનો આક્ષેપ મહિલાઓએ કર્યો હતો <br /> <br />સ્થાનિક મહિલા રમીલાબેન ચૌહાણે જણાવ્યું હતું કે, વર્ષોથી આ વિસ્તારમાં ગંદા પાણીની સમસ્યા છે પરંતુ છેલ્લા 6 મહિનાથી ખુબ જ ગંદુ પાણી આવે છે જેને કારણે ઘરે-ઘરે બીમારીના ખાટલા છે અને ગુરૂવારે 13 વર્ષની બાળકીનું મોત થયું છે આ ગંદા પાણીનો નિકાલ નહીં થાય ત્યાં સુધી અમે પાલિકામાં વેરો ભરવાના નથી અમે અનેક વખત રજૂઆતો કરી છે પરંતુ પાલિકામાંથી લોકો આવે છે ખાડા ખોદે છે અને જોઇને જતા રહે છે અને હજુ સુધી અમારી સમસ્યાનો નિકાલ કર્યો નથી
