VLORË - Kryeministri Edi Rama së bashku me ministren e Shëndetësisë Ogerta Manastirliu, kanë vizituar pasditen e kësaj të premteje spitalin e Vlorës, ku investimet në infrastrukturë dhe mjekë të specializuar mundësojnë shumë shërbime që nuk ofroheshin më parë me kushte dhe standarde të kualifikuara.<br /><br />Kryeministri Rama ka thënë se tashmë falë investimeve të bërë nga koncesionari pacientët nuk kanë më nevojë që të udhëtojnë drejt Tiranës dhe të paguajnë 700 dollarë për lentet e syve pasi tashmë shërbimi është në Vlorë dhe kryhet falas.<br /><br />"Nuk kanë më nevojë të marrin rrugën drejt Tiranës të moshuarit që paguanin 700 dollarë më parë për lentet e syve, ata e kanë FALAS këtë shërbim në Vlorë. Pacientët me tumore nuk vijnë më në Tiranë për trajtimin, por e marrin shërbimin në Vlorë." tha Kryeministri.<br /><br />Kryeministri është ndalur edhe tek ata persona që akuzojnë qeverinë për vjedhje me koncesionet duke thënë se këto janë të pavërteta.<br /><br />"Nuk kemi bërë një muzeum të vogël si ishin dhe si janë bërë. Dëgjojnë në llafe rruge vjedhja PPP e kshu. Por të gjitha këto janë të financuara nga privati. Shteti merr shërbimin dhe paguan vit pas viti këto. Në fund janë të shtetit paisjet" tha Rama.
