Organizata Botërore e Shëndetësisë, shpalli një ditë më parë, emergjencën ndërkombëtare të shëndetit publik, me koronavirusin, që në gjykimin e saj, përbën një rrezik të shëndetit publik për vendet e botës përmes përhapjes së tij.<br /><br /><br />Vendimi për shpalljen e gjendjes së emergjencës, u mor pasi koronavirusi i ri përveçse ka përfshirë çdo provincë të Kinës, është përhapur edhe në 18 vende të tjera jashtë saj, me gjithsej 98 raste të konfirmuara deri më tani, por pa viktima.<br /><br />Në pjesën më të madhe të rasteve, bëhet fjalë për persona që kanë udhëtuar nga qyteti kinez i Whanit, ku edhe filloi gjithçka. Megjithatë ka patur edhe tetë raste të kalimit të virusit nga njeriu tek njeriu, në gjermani, Japoni, Vietnam dhe SHBA. Për zyrtarët e OBSH, ky është një shpërthim i paparë ndonjëherë. Shpallja e gjendjes së emergjencës ndërkombëtare të shëndetit publik, lejon që OBSH të koordinojë më mirë reagimin ndërkombëtar dhe të angazhojë Kombet e bashkuara në ndihmë kundër virusit.<br /><br />Pesë herë të tjera më parë, OBSH ka shpallur emergjencën ndërkombëtare të shëndetit publik. Në 2009, virusi H1N1, apo siç njihet ndryshe Gripi i derrit, u përhap në të gjithë botën duke i marrë jetën më shumë se 200 mijë personave. Gjendja e emergjencës u shpall për të siguruar që bota të monitoronte me kujdes përhapjen e virusit dhe të mund të reagonte, edhe me vaksina. Megjithëse në 2012, Poliomeliti u tha se u zhduk, numri i rasteve u rrit në 2013. Një vit më pas, në 2014, u shpall emergjenca globale për shkak të frikës se sëmundja mund të kthehej sërish, në formë fatale.<br /><br />Rasti i radhës është në 2016, me Zikën. OBSH e shpalli Zikën emergjencë globale pasi ajo u përhap shpejt në Amerikë. Edhe pse në shumë raste simptomat e Zikës mund të ishin të buta, ajo ishte ekstremisht e rrezikshme për gratë shtatzëna. Ndërsa për Ebolën, emergjenca globale u shpall dy herë, në 2014 dhe 2019. E para nga gushti 2014 në mars 2016, kur thuajse 30 mijë njerëz u infektuan dhe më shumë se 11 mijë humbën jetën në Afrikë. Ndërsa emergjenca e dytë, u shpall vitin e shkuar si pasojë e një shpërthimi të ri në republikën demokratike të Kongos.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#OBSH#CoronaVirus#TopChannel
