Rreth 5 mijë raste denoncojnë dhunën e ushtruar ne familje brenda një viti në vendin tonë. Sipast të dhënave të INSTAT, dhuna në familje është rritur me 9 % nga viti në vit.<br /><br />?Në Shqipëri, rastet e dhunës brenda familjes kanë shënuar rritje të frikshme. Për këtë arsye, deputetet e Partisë Socialiste kanë propozuar ndryshimet e Kodit Penal duke ashpërsuar masat e dënimit për dhunuesit. Madje në ndryshime propozohen dënime dhe për dhunën psikologjike?.<br /><br />Deputetja Klotilda Bushku: Nisma ka dalë si një vendim i dakordësuar i të gjithë mazhorancës dhe ka qenë një kërkesë e vazhdueshme e Kryeministrit Rama që ne të ashpërsojmë luftën kundër dhunës në familje. Në Kodin Penal nuk ka qenë e adresuar çështja e dhunës psikologjike, tashmë është përfshirë si çështje përkatëse, është përfshirë në rrethin e subjekteve që mund të jenë në hetim edhe ish-partnerët. Garancia pasurore të mos jetë e zbatueshme për çështjet që lidhen me bazë gjinore apo familjare.<br /><br />Në propozimet ligjore, tashmë kushdo që ushtron dhunë në familje rrezikon të dënohet me 5 vite burg nga 2 që është aktualisht. Ndërsa për ripërsëritësit deri në 10 vite burg.<br /><br />Deputetja Klotilda Bushku: Ne synojmë ndryshime në Kodin Penal, në Kodin e Procedurës Penale dhe në ligjin për masat ndaj dhunës në rrethanat familjare. Kemi kërkuar që kjo masë e largimit të dhunuesit nga banesa të jetë masë e veçantë dhe të aplikohet apriori nga policia edhe nga gjykata. Të strehohen, të mos mbeten rrugëve sepse bëhen të prirur për raste të përsëritura dhune. Organet e policisë ku viktimat denoncojnë dhunën kanë detyrim ta referojnë rastin në Prokurori. Gjithë qëllimi është që duhet të fokusohemi më shumë në mekanizmin parandalues dhe të rrisim efikasitetin e masave.<br /><br />Por për zv/Presidenten e Komitetit të Grevios, një komitet i Këshillit të Europës që merret me monitorimin e dhunës në familje, Iris Luarasi , problemi në Shqipëri nuk qëndron tek ligjet, por tek zbatueshmëria e tyre.<br /><br />?Në thelb kjo është një nismë që duhet përshëndetur, por në praktikë ne nuk i kemi problemet tek legjislacioni, në fakt ne çalojmë tek pjesa e zbatimit të legjislacionit, dhe burgu edhe dënimi penal nuk zgjidh historinë e dhunës në familje, parandalimi dhe edukimi i hershëm edukon brezat e ardhshëm për të frenuar dhunën në familje. Duke e rritur përgjegjësinë e dhunuesve, kjo është një gjë e mirë, aq më tepër që dhuna psikologjike është pjesë e kësaj pakete, është e rëndësishme sepse ne i dimë mirë sa të vështira i kemi rastet në gjykata për të vërtetuar dhunën psikologjike?.<br /><br />Sipas ekspertëve, dhuna në familje në Shqipëri është një problem i rëndë, pasi ka ende gra dhe vajza që jetojnë me mentalitetin që dhuna është çështje private familjare dhe të tjerët nuk duhet ta dinë.<br /><br />?Veçanërisht në familjet patriarkale, babai rreh nënën, rreh djalin dhe ky i fundit kur rritet bëhet njësoj si modeli i babait?.<br /><br />Me ndryshimet që iu bënë Kodit Penal në vitin 2012 dhe më pas në vitin 2013, u parashikua për herë të parë kriminalizimi i veprës ...
