Sekuestrimi i pasurive që vijnë nga krimi i organizuar dhe aktiviteti kriminal, për Presidentin e Parlamentit Europian David Sassoli është një mase që mund të japë rezultate të mëdha për të luftuar këtë kategori.<br /><br />E thënë nga z. Sassoli, i cili vjen nga Italia, një nga vendet që ka patur problemet dhe betejën më të ashpër me mafian dhe krimin e organizuar, kjo duket më e besueshme. Aq më shumë që vetë ai deklaroi në konferencën për shtyp me kreun e qeverisë në Tiranë se kjo nismë ka shumë nga fryma që Italia përdor në këtë luftë.<br /><br />?Reforma është e rëndësishme. Se disa vërejtje janë. Po të përshtaten të gjitha standardet për luftën kundër krimit. Do të shtojë sigurinë e vendit por edhe bashkëpunimin me BE. Mbi këtë reformë ka edhe pak frymë italiane, ne prej 10 vitesh jemi gjendur në kushtet e luftës kundër krimit të organizuar dhe kjo provojë mund të jetë e dobishme për të tjerët. Do të shpëtojmë aftësinë tonë kundër kapitaleve të paligjshme dhe bandave kriminale. Masa që është marrë për rikuperimin e pasurive të paligjshme është pika e fortë e platformës. Dhe jam i sigurt që do të ketë rezultat të madh?.<br /><br />Kryeministri lajmëron se veç sekuestrimit të pasurive që nuk justifikohen për të gjithë këta persona, do të nisë një hetim për pastrimin e parave.<br /><br />Të gjithë atyre që e akuzojnë për zvarritjen e luftës ndaj bandave kriminale iu kujton drejtësinë e korruptuar.<br /><br />Sa i takon negociatave, Presidenti i Parlamenti Europian duket optimist që pas zhgënjimit që solli vendimi i Tetorit në Pranverë të ketë një vendim pozitiv. Ai thotë se është njohur me qëndrimin e ri të Presidentit Macron i cili pranon të tërhiqet nga kushti i vendosur vitin e shkuar për reformim dhe më pas zgjerim, vetem nëse ka konsensus për metodologjinë e re të Komisionit nga të gjithë vendet anëtare.<br /><br />?Kemi shpresa të mira se mbasi të bëhet çështjet gati për metodologjinë atëherë është më thjeshtë. Paketa duhet të eci njëkohësisht me Shqipërinë dhe Maqedoninë e Veriut. Vërejtjet do të kapërcehen?.<br /><br />Tv Klan
