Me largimin simbolik nga posti i kreut të Kuvendit të Kosovës, të Glauk Konjufcës, sipas kushtit kryesor të Lidhjes Demokratike të Kosovës për bashkëqeverisje me Vetëvendosjen, nisi seanca që i hapi rrugë procedurave për miratimin e qeverisë së re në Kuvend.<br /><br />I mandatuari nga Presidenti për formimin e qeverisë, Albin Kurti parashtroi programin e kabinetit që do të drejtohet prej tij, ku një ndër pikat më të rëndësishme është ekonomia.<br /><br />?Do të jemi qeveri e zhvillimit ekonomik dhe e punësimit për të ndalur migrimin masiv?.<br /><br />Teksa Kurti fliste, deputetja e Partisë Demokratike tashmë në opozitë, Ganimete Musliu, iu afrua për t?i vendosur flamurin kombëtar dhe atë të Kosovës në xhaketë.<br /><br />Nuk munguan akuzat nga opozita për Kurtin. Kreu i Partisë Demokratike, Kadri Veseli e akuzoi se e ka përdorur flamurin e Kosovës për interesa politike.<br /><br />Ndërsa kreu i Nismës për Kosovën, Fatmir Limaj i kujtoi negociatat Prishtinë Beograd.<br /><br />?Harroje se mund të bësh marrëveshje me Serbinë kundër Kosovës?.<br /><br />Të rinjtë e PDK-së mbajtën një manifestim kundër qeverisë së re para selisë së Kuvendit. Presidenti Hashim Thaçi nuk mori pjesë në seancë. Të pranishëm aty ishin ambasadorët e SHBA, BE dhe diplomatë të tjerë perëndimorë.<br /><br />Tv Klan
