Pas dhjetë vjetësh që i kishte hyrë politikës dhe gjithmonë ka qenë në opozitë, Albin Kurti arriti të marrë 66 vota të deputetëve për formimin e qeverisë, ndërsa 10 deputetë abstenuan.<br /><br />?Sot pushtetin e shtetin e ka fituar populli sepse atij i takonte?, tha Kryeministri i ri i Kosovës.<br /><br />Ndonëse negociatat ishin të vështira ndërmjet Lidhjes Demokratike të Kosovës, afër katër muaj pas zgjedhjeve këto dy parti nisën rrugëtimin katër vjeçar për bashkëqeverisje.<br /><br />Ndonëse fillimisht të dyja partitë kishin premtuar zvogëlimin e ministrive në 12, kabineti qeveritar i Kurtit përbëhet nga 15 ministri, 6 prej të cilave i takojnë partisë së Kurtit, 6 LDK-së, 2 Listës Serbe dhe 1 komuniteteve të tjera.<br /><br />Në prezantimin e programit qeverisës, Kurti tha se ndër pikat më të rëndësishme të qeverisjes së tij do të jetë zhvillimi ekonomik.<br /><br />Gjatë fjalimit të Kurtit, deputetja e PDK-së Ganimete Musliu ka vendosur në xhaketën e Kurtit flamurin e Kosovës dhe atë të Shqipërisë.<br /><br />Fjalën Kurtit paraprakisht ia kishte dhënë kryetari i parlamentit Glauk Konjufcai, i cili menjëherë e la nënkryetaren e Kuvendit Arbërie Nagavcin që të udhëheqë seancën.<br /><br />Më pas nga ulëset e Kuvendit ai ka nënshkruar dorëheqjen e tij. Ky post pritet t?i takojë Vjosa Osmanit të LDK-së, ashtu siç ishin marrë vesh paraprakisht partnerët e koalicionit qeverisës.<br /><br />Gjatë seancës Kurti u akuzua nga deputetët e opozitës kryesisht ata të PDK-së se ka harruar bashkimin kombëtar. <br /><br />?E vërteta e parë është se si po ua lëmë Kosovën sot, të cilën ti Albin Kurti as nuk e njeh, as nuk e ndjen dhe as nuk e mendon si vend për të jetuar?, tha deputeti i PDK, Kadri Veseli.<br /><br />?Harro që mundesh me bë ndonjë marrëveshje kundër Kosovës, nuk e kemi lënë Hashimin e as ty nuk do të lejojmë?, tha deputeti i Nismës, Fatmir Limaj.<br /><br />Deputetët gjithashtu kanë lëshuar në seancë deklarata të mëhershme të anëtarëve të LVV-së kundër LDK-së, kryesisht kreut të saj Isa Mustafa.<br /><br />E befasishme në këtë seancë ishte edhe votimi për qeverinë Kurti nga dy deputetët e AKR-së të cilët nuk janë pjesë e koalicionit qeveritar.<br /><br />Tv Klan
