Qeveria e re e Kosovës, e prezantuar nga kryeministri i ri, Albin Kurti, do të ketë 15 ministri. Vetë kryeministri do të ketë dy zëvendëskryeministra ndërsa qeveria në përbërjen e saj pritet të ketë edhe 33 zëvendës ministra.<br /><br /><br />Zëvendës kryeministra do të jenë Avdullah Hoti nga LDK dhe Haki Abazi nga VV. Në postin e ministrit të punëve të jashtme dhe diasporës, do të ulet Glauk Konjufca, i cili i liroi vendin në krye të kuvendit, Vjosa Osmanit.<br /><br />Blerim Reka, nga Vetëvendosje do të jetë ministër i Integrimit Europian dhe Albulena Haxhiu, nga e njëjta parti, ministre e Drejtësisë. Ministria e arsimit, shkencës, teknologjisë dhe inovacionit i shkon LDK-së, me Hykmete Bajramin, ndërsa ministër i financave do të jetë Besnik Bislimi nga Vetëvendosje.<br /><br />Ministër i Punëve të Brendshme dhe Administratës Publike do të jetë Agim Veliu nga LDK ndërsa ministre e ekonomisë, punës, tregtisë, industrisë do të jetë Rozeta Hajdari nga VV. Anton Çuni nga LDK do të marrë portofolin e mbrojtjes ndërsa Lumit Abdixhiku, po nga kjo parti do të jetë ministër i Infrastrukturës dhe Ambjentit. Besian Mustafa nga LDK do të jetë ministër i Bujqësisë ndërsa Arben Vitia nga VV ministër i shëndetësisë.<br /><br />Në krye të dikasterit të kulturës, rinisë e sportit do të jetë Vlora Dumoshi nga LDK ndërsa ministria e administrimit të pushtetit lokal, i shkon Emilia Rexhepit nga grupi 6+, ministria për komunitetet dhe kthimin Dalibor Jevtiç nga lista serbe dhe ajo e zhvillimit rajonal, Ivan Millojeviç, po nga ky subjekt.<br /><br />Ndërsa prezantonte programin e tij qeverisës, Kurti tha se qeveria e tij do të jetë një qeveri e kursimit të parasë publike dhe kjo ka nisur me reduktimin e ministrave nga 21, që ishin në qeverinë e mëparshme, në 15. Ndërsa nga 80 poste zëvendësministrash Kurti tha se qeveria e tij do të kishte rreth 33.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Kosova#Kurti#TopChannel
