Gjendja e tensionuar në ishullin e Lesvos ka vazhduar për të dytën ditë rrjesht, një ditë pas përleshjeve të ashpra të emigrantëve me forcat policore ku janë përdorur edhe bombat me gaz lotsjellës.<br /><br /><br />Duke hedhur parullat si ?Liri-Liri ?, ?Popull i Lesvos na falni? dhe ?Moria është një ferr? rreth 300 emigrantë janë mbledhur përsëri mesditen e së martës para bashkisë, të rrethuar nga forca të shumta policore, të cilat më pas i kanë detyruar të largohen drejt kampit të Morias.<br /><br />Megjithëse në fillim emigrantët, shumica e tyre nga Afganistani, mbanin në dorë lule, përsëri është krijuar tension dhe konfrontim me forcat policore me pasojë edhe plagosjen e disa personave.<br /><br />Në një tubim tjetër në të njëjtën orë, banorë të Lesvos kanë hyrë në ndërtesën e bashkisë për të protestuar për gjendjen e vështirë që po kalon ishulli, e cila krahasohet me një bombë gati për të shpërthyer. Në protestën e tyre të rradhës, ata kanë kërkuar nga qeveria që emigrantët të largohen urgjentisht në kampet e Greqisë kontinentale.<br /><br />Guvernatori i ishujve veriorë të Egjeut i ka kërkuar qeverisë të shpallë gjendjen e jashtëzakonshme në tre ishujt më të mëdhenj të kësaj zonë, Lesvos, Hios dhe Samos, pasi numri i emigrantëve që mbahen tashmë atje, ka shkuar në mbi 40000 persona.<br /><br />Vëtëm në të ashtuquajturin ?ferrin e Europës?, kampin e Morias , më i madhi në kontinent, mbahen 20000 emigrantë në kushte çnjerëzore, kur kapaciteti i tij është për vetëm 3000 vetë.<br /><br />Ne një konferencë shtypi, zëdhënësi i qeverisë ka deklaruar se qeveria do të fillojë së shpejti ndërtimin e kampeve të mbyllura , riatdhesimin e emigrantëve ekonomike dhe një kontroll të rreptë të OJQ që menaxhojnë ndihmat për ta.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Greqi#TopChannel
