Policia e Tiranës ka parandaluar një ngjarje të rëndë kriminale, duke arrestuar një 32-vjeçar i cili kërcënonte me vrasje vëllain e tij.<br /><br />32-vjeçari me iniciale S.L. kërcënoi me armë vëllain, por u arrestua në flagrancë nga policia që shkoi menjëherë në zonën e Lanabregasit pasi u njoftua për ngjarjen.<br /><br />Mësohet se konflikti mes dy vëllezërve kishte ndodhur për motive të dobëta. Pas debatit verbal, 32-vjeçari kërcënoi se do të vriste vëllain e tij Xh.L. 37 vjeç.<br /><br />Grupi hetimor që shkoi në vendngjarje gjeti dhe sekuestroi një kallashnikov dhe një pushkë. Materialet iu referuan Prokurorisë së Tiranës për veprat penale dhunë në familje dhe armëmbajtje pa leje. /tvklan.al
