#rtvora #oranews<br /><br />Autobusi i linjës Skrapar-Tiranë ishte mbushur me pasagjerë në kohën kur doli nga rruga dhe përfundoi i përmbysur në kanal.<br /><br />Ngjarja ndodhi rreth orës 07:00 të mëngjesit të sotëm në afërsi të rreth rrotullimit të Poshnjes në Urë-Vajgurore.<br /><br />Fatmirësisht nuk pati të lënduar mes pasagjerëve që udhëtonin drejt kryeqytetit, veç lëndimeve të lehta dhe traumës së aksidentit.<br /><br />Shoferi i autobusit në dëshminë e parë, tha se i kishte dalë përpara një fëmijë dhe ai u detyrua të bëjë një frenim të fortë.<br /><br />Për pasojë mjeti rrëshqiti në rrugë e përfundoi i përmbysur në kanal.<br /><br />Pasagjerët dolën pa probleme dhe e vijuan rrugën drejt destinacioneve me mjete të tjera.<br /><br />Ndërkohë drejtuesi i mjetit u shoqërua në polici në funksion të sqarimit të rrethanave të aksidentit.<br /><br />Ndërkohë një tjetër aksident u shënua në rrethrrotullimin e Kolonjës në aksin Fier-Lushnje.<br /><br />Një automjet u përplas me barrierën anësore të rrugës e për pasojë drejtuesi i mjetit mbeti i plagosur lehtë.<br /><br />Paraprakisht dyshohet se shkak për aksidentin u bë shpejtësia e lartë dhe lagështia në rrugë.<br /><br />Rrethrrotullimi i Kolonjës është një prej njollave të zeza të aksidenteve në vend, ku në 6 muajt e fundit janë regjistruar 5 viktima.<br /><br />Policia e Berati dhe Lushnjes thanë se kanë nisur hetime për të sqaruar rrethanat e dy aksidenteve.<br /><br />Për më shumë lexoni në: https://oranews.tv/article/permbyset-autobusi-ne-berat-ne-lushnje-makina-perplaset-me-barrierat-e-rruges<br /><br />Follow TV Ora dhe RTV Ora News <br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp
