TIRANE - Operacioni Forca e Ligjit nis verifikimin e pasurive të Plarent Dervishajt dhe Suel Çelës, dy personave që edhe pse të hetuar dhe të dënuar në Gjermani dhe Itali, i kanë shpëtuar drejtësisë shqiptare me pafajësi për vepra të rënda penale, përfshirë vrasjen, në vendin tonë. <br /><br />Në ditën e katër të punës në terren, efektivët e OFL-së i kanë dërguar kërkesën me shkrim për vetëdeklarimin e burimeve të pasurisë, dhe Plarent Dervishaj e Suel Çela kanë 48 orë për ta plotësuar dhe dorëzuar. <br /><br />Sipas OFL-së, Plarent Dervishi me banim në Durrës rezulton në hetim në Gjermani për veprën penale ?Trafik i qenieve njerëzore?. Ndërkohë Suel Çela me banim në Elbasan rezulton i dënuar në Itali për trafikim narkotikësh.<br /><br />Të dy këta persona edhe pse me të shkuar kriminale në Shqipëri dhe jashtë vendit, janë lënë të lirë nga drejtësia shqiptare. Konkretisht Plaurent Dervishaj u la i lirë në vitin 2017 nga Gjykata e Lartë ndërsa Suel Çela në vitin 2019 mori pafajësinë nga Krimet e Rënda edhe pse në mungesë.
