Ulja e temperaturave ka bërë që rrugët të kenë më shumë ngrica sot në veri dhe juglindje të vendit<br /><br /><br />ARRSH bën me dije se kontraktorët janë në terren dhe po hapin dhe kriposin akset më problematike, ndërkohë që i bën thirrje drejtuesve të mjeteve që të kenë kujdes dhe të pajisen me zinxhirë.<br /><br />Në fshatrat e Dukagjinit dhe në Kelmend, dëbora ka arritur deri në 15 centimetër, ku si pasojë banorët prej disa ditësh janë pa energji elektrike dhe i bëjnë apel OSHEE-së që të ndërhyjë.<br /><br />Mungesë energjie ka edhe ne fshatrat e Bulqizës, por në zonat ku dëbora ka arritur 40 cm lartësi, banorët janë izoluar. Në portet e vendit ndërkohë situata paraqitet disi më e përmirësuar në Durrës. Në mbrëmje dy tragetet e radhës që do të niseshin drejt Barit pezulluan lundrimet në pritje të përmirësimit të situatës detare në brigjet perëndimore të Adriatikut, në Bari.<br /><br />Të gjithë udhëtarët u njoftuan për këtë pezullim, ndërkohë që me hapjen e portit italian pritet që lundrimet nga Durrësi të rinisin rreth orës 22.30 të së enjtes. Nga ana tjetër e Adriatikut, porti italian i Barit ka hapur dyert, duke zhbllokuar situatën e 357 udhëtarëve që mbetën të bllokuar në tragete prej më shumë se 24 orësh në dalje të këtij porti, që u mbyll si pasojë e motit të keq të mërkurën.<br /><br />Vijon të jetë i përkeqësuar moti në Vlorë. Deti me dallgë deri me pesë ballë ndaj edhe sot lundrimi është pezulluar për shkak të detit të trazuar. Burime nga kapiteneria e Vlorës bëjnë me dije se edhe ditën e sotme moti do vijojë të jetë i përkeqësuar, ku në mbrëmje pritet të ulet fuqia e detit. Ndërkohë tragetet e linjës Vlorë-Brindisi ende nuk kanë njoftim për të kryer itinerarin e tyre drejt Italisë.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#ReshjeBore#ARRSH#TopChannel
