Hasan Arapi nga Fieri që në moshën ka 12-vjeçare ka punuar si kovaç.<br /><br />Me mjeshtërinë dhe përkushtimin e tij ka modifikuar shumë vegla bujqësore dhe industriale duke i bërë ato më funksionale.82-vjeçari tregon sesi arriti që ta bëjë lopatën më praktike për punëtorët e ndërtimit në vitin 1950.<br /><br />Mjeshtëritë e Hasanit nuk kanë të sosur, 82 vjeçari ka dhënë mësim në shkollën industriale të Fierit si dhe ka krijuar bandën muzikore në këtë qytet.<br /><br />Hasani njihet nga qytetarët fierakë por edhe në zonat përreth si 'kovaçi duarartë' që me mjeshtërinë e tij ka modifikuar shumë vegla bujqësore dhe industriale duke i bërë ato më funksionale.<br /><br />Kur ishte vetëm 12 vjeç, rreth viteve 1950 Hasani tregon që ka modifikuar lopatën, punimin e parë të cilin e ruan me fanatizëm edhe sot në çantën që qendron në ndenjësen e biçikletës së tij të vjetër.<br /><br />Ai tregon me detaje sesi arriti që ta bëjë lopatën më praktike për punëtorët e ndërtimit në vitin 1950.<br /><br />"U bë në vitet '50 për ndërtimin e vendit, por ustallarët tanë e bënin lopatën 4 mm të trashë dhe më të rëndë.<br /><br />Në moshë të vogël unë mendova të bëja lopatën 2 mm dhe e prodhova.<br /><br />I palosa buzët komplet lopatës që mos të këputet. Tashmë akoma ekziston kjo lopatë në duart e mia", tha Hasani.<br /><br />Punimet e tij artizanale kanë qenë të shumta, 82 vjeçari thotë se ka arritur të prodhojë dhe sustën për sondën e parë shqiptare.
