TIRANE- Urdhëruesit dhe ekzekutuesit e 49 vjeçarit Jan Prenga tashmë konsiderohen grup i strukturuar kriminal dhe nga e shtuna kanë kaluar pranë (SPAK) Prokurorisë së Poscme Kundër Krimit dhe Korrupsionit.<br /><br />Ky hetim nisi prej 17 Janarit nga Prokuroria e Tiranës e cila ka urdhëruar 6 arreste dhe 5 persona të tjerë i ka shpallur në kërkim.Mes të kërkuarve rezulton dhe Altin Hajri si personi që mori porosinë për rrëmbimin e Jan Prengës nga një telefonatë prej Ekuadorit nga i dyshuari Dritan Rexhepi.<br /><br />Altin Hajri është edhe administratori i kompleksit Golden Resort tashmë të sekuestruar nga Operacioni Forca e Ligjit njohur si OFL.<br /><br />Ky resort është nën hetimin e SPAK tashmë për krijimin e ligjshëm të parave për ndërtimin e tij ndërsa sipas OFL-së dyshohet se prejardhja është aktiviteti kriminal i narkotrafikut për të cilin Altin Hajri ka qenë i dënuar në itali.<br /><br />Prej rrëmbimit më 17 Janar ora 11 e paradites Jan Prenga nuk ka asnjë kontakt me familjarët ndërsa policia e ka shpallur të vdekur, referuar kamerave të sigurisë sekeustruar në resort ku ai është në pamje kur hyn pasi rrëmbehet në Kamzë.<br /><br />Në qeli deri më tani për këtë krim janë Leonard Hajri, Bajram Hajri, Elton Hajri, Festim Bexhdili, Olsi Turja si dhe Ardian Docaj nga Shkodra i cili u vetëdorëzua pasi iu sekuestrua pasuria në Shkodër.<br /><br />Konfliktet midis këtij grupi kriminal dhe Astrit Prengës vëllait të Jani Prengës lindën për 260 kg kokainë e cila nuk u dorëzua në destinacion në Angli dhe Astriti rezulton se ka biseduar disa herë me Dritan Rexhepin për dorëzimin e mallit dhe rrëmbimin e të vëllait.
