Gazetari dhe moderatori, Qazim Strazimiri ka qenë i ftuar këtë pasdite në emisionin ?Rudina? në Tv Klan për të folur për programin e tij më të ri ?Habitus?, i cili transmetohet në Klan Plus.<br />Synimi i këtij emisioni është që përmes agjentëve imobiliare, arkitektëve t?ju vijë në ndihmë të gjithë atyre që prej kohësh kërkojnë të investojnë në një pronë ose pasuri të paluajtshme.<br />Ky emision ofron për publikun informacione rreth mënyrës si mund të kryejnë një investim të sigurt për një pronë.<br />?Ky program ka kohë që është punuar, që të marrë trajtë përfundimtare, për një kohë relativisht të gjatë. Është një emision, i cili në vetvete duhet të përmblidhte dhe njohjen apo atë që quhet transaksion, ne e përdorim shpesh herë gjatë emisionit tonë. Procedurat të cilat njerëzit duhet të njohin nga fillimi deri në fund, sa i përket procesit të blerjes së një prone. Ne në sezonin e parë jemi përqendruar më tepër tek banesat, por ideja ka qenë që ne të merreshim edhe me prona me karakter krejt tjetër, që do të thotë restorante, hotele?.<br />Aty bëhen të njohura hapat, të cilat duhen ndjekur për një investim të mirë dhe për një arredim bashkëkohor. Ekspertët, arkitektët dhe agjentët imobiliare i përshtaten kërkesave të individit, i cili kërkon të bëjë investimin duke gjetur zgjidhjen më të mirë dhe duke ofruar një shumëllojshmëri zgjedhjesh dhe sidomos cilësi në atë çka ofrojnë.<br />?Nëpërmjet këtij emisioni, unë mendoj që kemi kryer shumë mirë njohjen dhe informimin e publikut, sa i përket procedurave të rregullta, për blerjen e një pasurie të paluajtshme, gjithashtu edhe dizajnit?./tvklan.al
