Këtë vit buxheti i shtetit do të paguajë rreth 120 milionë euro për koncesionet e formës PPP. Shifrat janë bërë të ditura në Programin e Reformave Ekonomike 2020-2022, ku listohen të gjitha vlerat që do të përfitojnë 13 kontrata koncesionare që janë aktualisht aktive në vend.<br /><br />Pjesën më të madhe të këtij fondi do e marrë Rruga e Arbrit, pasi pagesa për vitin 2020 është parashikuar në vlerën e rreth 32 milionë euro dhe deri në vitin 2022 pritet të marrë sa trefishi i kësaj vlere.<br /><br />Kjo kontratë ndiqet më pas nga koncesioni i Sterilizimit, për të cilin këtë vit buxheti i shtetit do të paguajë rreth 13 milionë euro.<br /><br /> Kjo kontratë është aktualisht në proces hetimi nga SPAK, pasi është paditur nga nisma ?Thurje?, pasi dyshojnë se është abuzuar me të dhe duke ?fryrë? faturat i është shkaktuar një dëm i madh ekonomik shtetit.<br /><br />I treti që do të marrë rreth 12 milionë euro është koncesioni i dhënë në kohën e Partisë Demokratike ai i Skanimit në Doganë.<br /><br />Kjo kontratë shumë e diskutueshme do të marrë mbështetje financiare nga shteti deri në vitin 2030.<br /><br />Pas kësaj kontrate renditen përsëri koncesionet në shëndetësi, ku PPP-ja e Check Up, e dializës dhe e shërbimeve laboratorike së bashku marrin rreth 21 milionë euro.<br /><br />Pra nëse do të marrim shumën e 4 kontratave koncesionare që janë në Shëndetësi, për këtë vit ata do të përfitojnë nga buxheti i shtetit rreth 34 milionë euro. <br /><br />Për vitin 2020 pagesat vjetore neto që parashikohen të kryhen, kapin vlerën rreth 14.6 miliardë lekë duke përbërë vetëm 3.3% të totalit të ardhurave tatimore të parashikuara për vitin 2019, prej rreth 448.3 miliardë lekësh.
