Kosova dhe Serbia kanë nënshkruar në Mynih të Gjermanisë dy letra të shprehjes së interesit, atë për autostrada dhe për hekurudhë, ku të dyja vendet shprehin gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në.<br /><br />Presidenti Hashim Thaçi: Është mesazhi më i mirë që rajoni do të ketë më tepër paqe, zhvillim ekonomik, vende të punës atë që i duhet njerëzve në Kosovë, në Serbi dhe tërë Ballkanin Perëndimor. <br /><br />Aleksandar Vuçiç: Ajo që është nënshkruar është domethënëse për shkak të lirisë së lëvizjes, lëvizjes së mallrave, kapitalit, shërbimeve dhe njerëzve.<br /><br />Ndërsa Grenell ka thënë se marrëveshjet janë nënshshkruar falë direktivave të qarta të Presidentit Donald Trump.<br /><br />?Tani kemi dy marrëveshje më shumë dhe ajo që unë kam biseduar me të dy Presidentët është që të përqendrohemi sa më shumë në zhvillimin ekonomik?.<br /><br />Kryeshefi ekzekutiv i hekurudhave të Kosovës, Agron Thaçi, ka thënë se Kosova është e gatshme për linjën hekurudhore Fushë Kosovë-Mitrovicë Leshak-Beograd, ndërsa për linjën tjetër hekurudhore Prishtinë-Merdare-Beograd nevojitet investim i tërësishëm i infrastrukturës hekurudhore.<br /><br />Linja hekurudhore Prishtinë-Beograd ishte ndërprerë gjatë luftës së fundit në Kosovë, për t?u rifunksionalizuar menjëherë pas luftës deri në Leshak, kufi me Serbinë nën administrimin e UNMIK-ut, për t?u ndërprerë sërish në vitin 2008 kur edhe u shpall Pavarësia e Kosovës.<br /><br />Tv Klan
