4 muaj pas vetos për negociatat, Franca del me një qëndrim pro hapjes së tyre për Shqipërinë dhe Maqedoninë e Veriut. <br />Deklaratën e bëri nga Konferenca e Sigurisë që po mbahet në Mynih, Presidenti Emanuel Macron, i cili tha se Franca do ta ndezë dritën jeshile për të dy vendet, nëse raporti i Komisionit Europian del me vlerësime pozitive.<br />?Ne duhet të shohim se çfarë do të thotë Komisioni sa u përket përparimeve të pritura nga Shqipëria dhe Maqedonia e Veriut për këtë çështje. Në varësi të kësaj, nëse rezultatet janë pozitive dhe krijohet besim, atëherë ne jemi pro hapjes se negociatave?.<br />Në tetor të vitit të kaluar,Presidenti Macron i qëndroi deri në fund idesë së tij për të mos e vazhduar procesin e zgjerimit deri sa të reformohet Bashkimi Europian. I vënë në qendër të kritikave për votën kundër hapjes së negociatave, Macroni nuk la pa ironizuar edhe vendet anëtare që mbështetën zgjerimin.<br />?Sepse të gjithë ata që thonë le të hapen negociatat me Shqipërinë dhe Maqedoninë e Veriut, vetëm pas disa sekondash, thonë kujdes, sepse ata nuk do të jenë në gjendje të integrohen as për 10 apo 15 vite. Kjo nuk është e arsyeshme, kjo do të thotë të tallesh me njerëzit dhe kjo është hipokrizia kolektive ku jetojmë?.<br />Ky qëndrim i ri i Macronit vjen përpara samitit të Zagrebit që pritet të mbahet në muajin Maj. Në samitin e 18 Tetorit të vitit të kaluar krahas Francës kundër hapjes së negociatave me BE votuan edhe Holanda e Danimarka.
