Afro 100 shtete do të jenë pjesë e Konferencës së Donatorëve ?Bashkë për Shqipërinë?, që do të mbahet pasditen e 17 Shkurtit në Bruksel, organizuar nga Presidentja e Komisionit Europian, Ursula Von Der Leji.<br /><br />Mësohet se pjesë e konferencës do të jenë dhe përfaqësuesit e institucioneve të rëndësishme financiare ndërkombëtare, si Banka Botërore, Fondi Monetar Ndërkombëtar, apo BERZH.<br /><br />Takimi do të nisë me firmosjen e marrëveshjes për fondin prej 15 milionë eurosh, që Komisioni vendosi për të ndihmuar vendin tonë, për të përballuar kostot e tërmetit.<br /><br />Pas takimit, ku qeveria shqiptare synon të gjejë mbështetje financiare për të bërë të mundur zbatimin e programit të rindërtimit, fatura financiare e të cilit e kalon 1 miliardë euro, Kryeministri Rama dhe presidentja Van Der Lejn është parashikuar të dalin përpara gazetarëve në një konferencë për shtyp.<br /><br />Që pas tërmetit të 26 Nëntorit, Kryeministri Edi Rama ka zhvilluar një tur lobues në shumë vende të Europës për të marrë mbështetje maksimale financiare në Konferencën e Donatorëve, si në Gjermani, Itali, Bruksel, ndërsa shfrytëzoi dhe Samitin për Sigurinë në Rajonin e Ballkanit Perëndimor, që u mbajt në Mynih, ku u takua mes të tjerësh dhe me Kryeministrin e Kanadasë, të Kuvajtit dhe atë të Arabisë Saudite.<br /><br />Tv Klan
