Të paktën gjashtë persona kanë humbur jetën në Evropë ndërsa stuhia ?Ciara? zhvendoset në lindje duke pezulluar transportin dhe duke lënë me qindra e mijëra njerëz pa energji elektrike.<br /><br /><br />Era e fortë në Poloni ka rrëzuar çatinë e një dyqani pajisjesh skijimi duke i marrë jetën një gruaje dhe dy vajzave të saj. Babai i tyre mbeti i lënduar. Një person humbi jetën pasi barka në të cilën ndodhej u përmbys në Suedinë jugore. Një tjetër person që ndodhej në bord, mbetet i zhdukur. Dy persona mbetën të vdekur në makinat e tyre, një në gjermani dhe një në slloveni. Ndërsa një britanik, 58 vjeçar, humbi jetën të dielën pasi një pemë e shkulur nga stuhia ra mbi makinën e tij.<br /><br />Në ishullin mesdhetar të Francës, Korsikë, era shënoi një shpejtësi rekord prej më shumë se 220 km në orë të hënën në mbrëmje ndërsa shiu i rrëmbyeshëm dhe përmbytjet ishin të shumta në kontinent. Autoritetet thanë se era shkaktoi një zjarr në veri të ishullit. Portet dhe aeroporti në Korsikë u mbyllën të martën.<br /><br />Stuhia ?Ciara? ? e njohur edhe si ?Sabine? në disa pjesë të Evropës ka shkaktuar dëme të mëdha. Duke kaluar së pari në Irlandë dhe Britaninë e Madhe, stuhia më pas u përplas egërsisht mbi Evropën kontinentale. Transporti u ndal dhe shkollat u mbyllën në Belgjikë, Gjermani, Luksemburg dhe Holandë. Shumë fluturime u anuluan apo u devijuan. Në Gjermani, një vinç u shemb mbi katedralen e Frankfurtit duke dëmtuar çatinë e saj ndërsa probleme pati edhe në Danimarkë, Suedi, republikën ceke etj. Sidoqoftë, era e fuqishme solli edhe një të mirë në gjermani. Turbinat e erës atje prodhuan një sasi rekord energjie elektrike, të barazvlefshme me atë të 44 impianteve bërthamore të energjisë.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#CiaraStorm#Europe#TopChannel
