Pak minuta para nisjes së mbledhjes së kryesisë së Partisë Socialiste, një person me precendentë të meparshëm penalë u kap para selisë rozë, me një armë pa leje dhe me një shumë të madhe parash. <br /><br />Bëhet fjalë për Vladimir Gjutën, i arrestuar si i dyshuar për hedhjen në erë me tritol të farmacisë së babait të ish?ministrit të brendshëm Saimir Tahiri, në vitin 2015. <br /><br />Ai u ndalua nga efektivët e Gardës, që ndodheshin aty për të garantuar sigurinë e Kryeministrit, i cili në atë kohë ndodhej në selinë e Partisë Socialiste, për të drejtuar mbledhjen. <br /><br />Gardistët kishin krijuar dyshime për lëvizjet e Gjutës, i cili mbante një kapele dhe një çantë ku kishte afro 100 mijë Euro. <br /><br />Ndërsa pistoleta iu gjet në brez. Ajo kishte një fishekë në gojë, gati për të qëlluar dhe karikatorin e mbushur plot. <br />Ky fakt i ka alarmuar gardistët. Edhe pse nuk ka ende të dhëna që kjo ngjarje të ketë lidhje me mbledhjen e Kryesisë, Garda është vënë në lëvizje për të garantuar sigurinë e Kryeministrit. <br /><br />Pas mbledhjes së Kryesisë, Kryeministri është larguar me një makinë tip fuoristradë dhe jo me Mercedesin që përdor zakonisht.<br />Por zyrtarisht nuk është e konfirmuar që kjo të ketë qenë pjesë e protokollit që Garda ndjek në raste kur beson se mund të cënohet siguria e kreut të qeverisë. <br /><br />Vetë Gjuta ka deklaruar se ndodhej në zonë për të dorëzuar paratë në një exchange pranë selisë së Partisë Socialiste dhe se nuk kishte lidhje me prezencën e eksponentëve të lartë socialistë, të pranishëm në seli.<br />Edhe armën, ai u tha oficerëve të policisë, se e kishte marrë me vete për shkak të shumës së parave që kishte për të dorëzuar. <br />Policia që po heton ngjarjen, po kërkon edhe burimin e parave. <br />Vladimir Gjuta u arrestua një muaj më parë pasi kishte rrahur me çekiç kushëririn e tij duke i shkaktuar dëmtime të rënda në fytyrë.<br />Për shkak se i afërmi i tij është tërhequr nga denoncimi, gjykata vendosi që ai të hetohej në gjendje të lirë.
