Daljen e Presidentit Meta përpara mediave në të njëjtën ditë që zhvillohej Konferenca e Donatorëve, mazhoranca e shikon si manovër të kreut të shtetit për të eklipsuar suksesin e arritur nga Qeveria Shqiptare në Bruksel.<br /><br />Ulsi Manja, kreu i Komisionit të Ligjeve, duke folur nga Korça i ka bërë të qartë Presidentit fatin e dekretit për kthimin për rishqyrtim të ligjit për Gjykatën Kushtetuese, që ai ka paralajmëruar se nuk do ta dekretojë.<br /><br />?Për Presidentin e kam të qartë përgjigjen, kjo mazhorancë do të zbatojë Kushtetutën, ligjet e vendit dhe rregulloren e Kuvendit. Nëse Presidenti, në vazhdën e shumë ligjeve që nuk i dekreton dhe ja kthen përsëri Kuvendit, Kuvendi do të rrëzojë dekretin e Presidentit?.<br /><br />Miratimi i ndryshimeve që ju bënë këtij ligji ku parashikohen procedurat e betimit të anëtarëve të Kushtetueses përpara Presidentit, Meta e cilësoi si tentativë për grusht shteti dhe keqpërdorim të ?Venecias? nga shumica. Por ndryshe mendojnë përfaqësuesit e kësaj të fundit, që e shohin Ilir Metën më shumë si përfaqësues të opozitës se si garant të paanshmërisë dhe Kushtetutës.<br /><br />?Nuk ja mohon Kushtetuta të drejtën e dekreteve Presidentit. Edhe në rastin e ligjit për Gjykatën Kushtetuese, Presidenti është i lirë të ushtrojë atributin e vetë kushtetues, ta dekretojë ose jo por nuk ja lidh dot duart Parlamentit në një Republikë Parlametare për të miratuar ato ligje për të cilat është votuar Parlamenti.<br /><br />Presidenti mund të ketë parasysh shumë gjëra, por duhet t?i referohet nenit 1 të Kushtetutës së Shqipërisë. Shqipëria është Republikë Parlamentare. Presidenti është një institucion kushtetues që buron nga Kuvendi i Shqipërisë dhe është i detyruar si çdo institucion tjetër t?i bindet Kushtetutës dhe ligjeve të vendit.<br /><br />Presidenti do të duhet t?i kthehet pozicionit të tij kushtetues, simbol i unitetit të kombit dhe unë mendoj se Ilir Meta si President me këto trajektore dhe sjellje politike që ka patur në vijimësi që në Janarin e vitit 2019 dhe me anulimin e zgjedhjeve vendore, por dhe me rastin e fundit që ka të bëjë me Gjykatën Kushtetuese, unë mendoj se Presidenti e ka humbur rolin e tij si simbol i unitetit të kombit. Ilir Meta sot është opozita e vendit, me sjelljen e vetë politike po luan rolin e opozitës?.<br /><br />Hapësirat për interpretim që ka lënë Meta kur është pyetur për mundësinë e shpërndarjes së Parlamentit, janë komentuar dhe nga Manja që thotë se Kushtetuta është e qartë për rastet kur kreu i shtetit mund ta ndërmarrë këtë hap.<br /><br />?Kushtetuta e ka bërë të qartë se në cilat raste shpërndahet Parlamenti, është diçka absurde ta mendosh, besoj do të ishte shkelja më e rëndë, atentati më i rëndë që mund t?i bëhet Kushtetutës së vendit?.<br /><br />Por deklaratat e Manjës kanë sjellë reagimin e zëdhënësit të Presidentit, i cili duke folur në emër të Metës, i bën të qartë shumicës se ?Parlamentin do e shpërndajë populli dhe Presidenti vetëm do zbatojë vullnetin e tij?.<br /><br />E njëjta gjë sipas tij vlen dhe për dekretin për kthimin e ligjit për grushtin e shtetit...
