Ish-kryebashkiaku i Vorës Agim Kajmaku do të përballet me gjykatën për tre akuza ?falsifikimi i dokumenteve zyrtare?, ?falsifikimi i vulave, stampave ose formularëve? dhe ?kryerja e funksionit pas dhënies fund të tij?.<br /><br />Gjykata e Tiranës pranoi kërkesën e Prokurorisë dhe vendosi ta kalojë çështjen për gjykim në ngarkim të Kajmakut. Ish-numri një i Bashkisë së Vorës vazhdon të jetë në kërkim prej Nëntorit të kaluar, pasi policia nuk e ka arrestuar ende.<br /><br />Kajmaku akuzohet nga Prokuroria se ka shkarkuar dy nënkryetarët e Bashkisë, Laureta Omeri dhe Hekuran Brahimaj, pasi KQZ i kishte hequr mandatin atij, për shkak se kishte fshehur një hetim në Greqi, për përdorim të parave false.<br /><br />Ishte Partia Demokratike që denoncoi publikisht Kajmakun, me pretendimin se kishte fshehur këtë dënim në formularin e dekriminalizimit.<br /><br />Edhe pse KQZ i hoqi mandatin, Kajmaku emëroi shefin e tij të kabinetit Gentian Picarin në postin e kryetarit, por Prokuroria thotë se ashtu si në shkarkimi e dy nënkryetareve, edhe në këtë vendim ai ka falsifikuar datën.<br /><br />Tv Klan
