Një 46-vjeçare, nënë e 3 fëmijëve ka treguar për emisionin ?Historia ime? në Tv Klan problemet në familjen e saj, për shkak se bashkëshorti prej 15 vitesh është i alkoolizuar.<br />Milika Toska ka rrëfyer në studio se gjithçka nisi në vitin 2005, kur burri i saj kishte filluar të punonte për ndërtimin e një shtëpie dhe pas punës, për shkak se konsumonte alkool me punëtorët e tjerë filloi, çdo ditë të vinte i dehur në shtëpi.<br />Milika tha se është në vështirësi të mëdha ekonomike sepse vetëm bashkëshorti punon, por dhe të ardhurat që merr i shpenzon për të pirë alkool. Pavarësisht bisedave që ka bërë me të, ai shprehet se e ka të pamundur ta lërë alkoolin pavarësisht se kjo po dëmton familjen dhe shëndetin e tij.<br />Mirela Milori: Në vitin 2005, ti thua se kur burri filloi të punonte për të ndërtuar diku?<br />Milika Toska: Që atëherë filloi dalëngadalë.<br />Mirela Milori: Filloi alkoolin?<br />Milika Toska: Po!<br />Mirela Milori: Si filloi, si hyri alkooli në shtëpinë tuaj?<br />Milika Toska: Vinte i dehur, jo se pinte në shtëpi. Edhe sot e kësaj dite, ai vjen i dehur, jo se konsumon alkool në shtëpi. Mua kjo gjë s?më pëlqen se dhe babai im ka pirë, por nuk doja që të ndodhte dhe tek burri.<br />Mirela Milori: Fillove të flisje me të, ti thuash çfarë po ndodh?<br />Milika Toska: I flisja gjithmonë: Çfarë po bën? Fillonte ngrinte zërin, fillimisht shumë pak ka ngritur dorën, por unë nuk e duroja dot. Se fëmijët kanë kërkesa, shumë shpejt u bënë brenda 5 vjetëve, 3 ishin dhe u bë si e padurueshme.<br />Mirela Milori: Më the që ndonjëherë ka ngritur edhe dorën, ka patur momente dhune?<br />Milika Toska: Kanë qenë të pakta të dorës, por ato psikologjike kanë qenë të vazhdueshme sepse ai kur pi nuk qetësohet.<br />Mirela Milori: Si nuk qetësohet? Çfarë ndodh kur ai pi?<br />Milika Toska: Bërtet, ose ngre zërin kur nuk gjen një gjë gati. Por kur nuk sjell ai, çfarë mund të bëj unë? Po nuk solli ai të ardhura si të veproja unë.<br />Mirela Milori: Që në 2005?<br />Milika Toska: Po!<br />Mirela Milori: Këto 15 vjet kanë qenë pothuajse përnatë apo si?<br />Milika Toska: Shumica e rasteve, e kam denoncuar dhe dy herë në polici për ta ndërgjegjësuar, jo për ta injoruar, se nuk kam dashur kurrë ta bëj këtë, duke e ditur dhe rritjen e tij, por thashë se duke krijuar familje do bëhej radhë me shokët, si gjithë të tjerët, por kjo gjë nuk ndodhi, filloi alkoolin.<br />Mirela Milori: Kur është esëll flet me të?<br />Milika Toska: Flet normal!<br />Mirela Milori: I thua ta lërë alkoolin?<br />Milika Toska: Nuk e lë dot, i kam thënë: Unë dhe fëmijët apo alkooli? Nuk e lë dot thotë. <br />Mirela Milori: E kupton ai që është një dëm i madh në shtëpi ajo që bën?<br />Milika Toska: E kupton, por mua nuk ma shpreh!<br />Mirela Milori: Çfarë thotë?<br />Milika Toska: Vetë hesht, rri i heshtur!<br />Mirela Milori: Keni folur?<br />Milika Toska: Ai ka arritur deri në atë pikë sa nuk gjykon më, nuk e mendon më se çfarë ka mbrapa, truri ka degraduar./tvklan.al
