Të gjitha vendimet e lirimit të të burgosurve para kohë gjatë tre viteve të fundit do te kalojnë në sitën e Inspektoratit të Lartë të Drejtësisë.<br /><br />Kreu i këtij institucioni Artur Metani u ka nisur shkresë gjykatave dhe prokurorive ku kërkon prej tyre, t?i vënë në dispozicion të gjitha dosjet gjyqësore që kanë të bëjnë me lirimet me kusht.<br /><br />Metani kërkon që këto institucione t?i përgjigjen brenda 2 javësh dhe t?i vënë në dispozicion të gjitha dokumentet nga data 1 Janar 2017 deri në 31 Janar 2020.<br /><br />Lirimi para kohe i personave të dënuar për vepra të rënda penale vuri në lëvizje edhe Ministrinë e Drejtësisë.<br /><br />Në mes të muajit Janar, ky dikaster kërkoi shkarkimin dhe ndjekjen penale të gjyqtares Enkeleda Hoxha, që vendosi për lirimin e Endrit Dokles nga burgu.<br /><br />Ai u dënua nga Krimet e Rënda me burg përjetë, por Gjykata e Lartë e ktheu dosjen në Apel, që e dënoi me 25 vite dhe në fund fitoi lirinë me kusht.<br /><br />Në Shkurt të vitit të kaluar Gjykata e Korçës ka liruar para kohe, Gert Gjinararin i dënuar me burgim të përjetshëm për vrasjen Naim Zyberit. Ai u dënua në Itali, por kur dosja mbërriti në Shqipëri kërkoi gjykim të shkurtuar duke u dënuar me 25 vite burg dhe pas kësaj fiti lirinë me kusht.<br /><br />Një tjetër i dënuar që ka fituar lirinë është edhe Lulzim Caka. Ky i fundit është dënuar me 25 vite burg për vrasjen e Pëllumb Eminit, si dhe për tentativën për vrasje të punonjësve të policisë në vitin 1997. Sipas Ministrisë së Drejtësisë, Caka u lirua 4 muaj e 22 ditë para kohe, për shkak të llogaritjeve të gabuara. Pas këtij vendimi ai është shpallur në kërkim.<br /><br />Tv Klan
