Operacioni Forca e Ligjit ka vijuar edhe gjatë ditës së sotme me kërkesat për justifikimin e pasurisë.<br /><br />Në një deklaratë për mediat, OFL kërkon justifikimin e pasurisë për Ervis Martinin, person nën hetim për vrasje me paramendim.<br /><br />Gjithashtu, u kërkohet që të justifikojnë burimet e pasurisë edhe dy vëllezërve Kaçorri, Arben Kaçorri i dënuar në Itali për vrasje dhe Valentino Kaçori i dënuar në Itali për vrasje dhe trafik armësh.<br /><br />Deklarata e Operacionit Forca e Ligjit:<br /><br />Vijon operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji.<br /><br />Në këtë kuadër, OFL u ka dërguar kërkesat për vetëdeklarim të pasurisë, shtetasve:<br /><br />? E. M., me banim në Kurbin, person në hetim për veprën penale ?Vrasja me paramendim?;<br /><br />? A. K., me banim në Tiranë, i dënuar në Itali për vrasje;<br /><br />? V. K., me banim në Tiranë, i dënuar në Itali për vrasje dhe trafik armësh;<br /><br />Brenda 48 orësh, këta individë, si subjekt i Ligjit Special, duhet t?u përgjigjen me shkrim të gjitha pyetjeve të OFL-së.<br /><br />Më pas, përgjigjet e marra do t?i dërgohen SPAK-ut, për veprime të mëtejshme.<br /><br />Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse.<br /><br />Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi. /tvklan.al
