Kamioni me 1.3 ton drogë i nisur nga Italia drejt Maqedonisë së Veriut, duke kaluar nëpërmjet Malit të Zi dhe Shqipërisë, është bërë objekt hetimi edhe në Shqipëri.<br /><br />Struktura e Posaçme Kundër Krimit të Organizuar dhe Korrupsionit ka nisur hetimet për të zbuluar nëse ka pasur shtetas shqiptarë të përfshirë në këtë trafik.<br /><br />Ekzistojnë dyshimet se në Shqipëri ata mund të kenë pasur si rol garantimin e kalimit të kamionit me drogë në Han të Hotit, ku është futur nga Mali i Zi dhe në Qafe Thanë ku ka dalë në Maqedoninë e Veriut.<br /><br />Në të dyja pikat doganore kamioni i ngarkuar me banane nuk është ndaluar nga autoritetet shqiptare, për shkak se ai po ndiqej nga DEA amerikane dhe policia italiane për të parë pritësit e mallit.<br /><br />Policia shqiptare sqaroi zyrtarisht se ka qenë pjesë e operacionit dhe ka mundësuar kalimin e dërgesës në kushte të plota sigurie dhe konfidencialiteti.<br /><br />Ngarkesa vinte nga Kolumbia dhe është kontrolluar në Itali, ku autoritetet kanë hequr 1299 kilogramë drogë dhe kane lënë vetëm 1 kilogram.<br /><br />Në Maqedoninë e Veriut pakoja prej 1 kilogram, që kishte brenda edhe një sinjalizues GPS, u kap në një magazinë në Krushopek të Sarajit.<br /><br />?Në fshatin e Krushopek të Shkupit, janë kapur vetëm një pjesë nga sasia e përgjithshme, 1 kilogram kokainë, i cili sipas informatave të para është vetëm një pjesë prej një sasie të madhe që është dashur të përfundojë në shtetin tonë. Janë arrestuar katër persona. Pronari i kompanisë ?Baneks? dhe djali i tij, një punëtor, dhe shoferi?, tha ministri i Brendshëm maqedonas.<br /><br />Kompania ?Baneks? që kishte porositur ngarkesën me banane, ka importuar 120 herë pemë, e cila në shumicën e rasteve ka ardhur nga Kolumbia dhe një pjesë më e vogël nga Ekuadori.<br /><br />Tv Klan
