26 mijë persona kanë aplikuar online për vlerësimin e dëmeve nga tërmeti i 26 Nëntorit në njësitë bashkiakë ku ata jetojnë.<br /><br />Sipas të dhënave të siguruara nga Tv Klan, 14 mijë aplikime i përkasin vetëm Tiranës dhe Durrësit. Për këtë të fundit kanë aplikuar 7200 persona, ndërsa në Tiranë 6300 qytetarë. Pjesa tjetër e aplikimeve u përkasin qyteteve të Kavajës, Shijakut dhe Lezhës .<br /><br />Qytetarët kanë afat deri në fund të Shkurtit për të vetëdeklaruar dëmet nga tërmeti. Pas mbylljes së fazës së parë të aplikimit, do të nisë faza e vlerësimit tekniko-ligjor të dosjeve.<br /><br />Për të vlerësuar dosjen e çdo shtëpie banimi, në çdo bashki të vendit do të ngrihet Komisioni i Vlerësimit për të miratuar listën e përfituesve sipas programeve të dëmshpërblimit. Aplikuesit do të renditen në bazë të një sistemi nga rastet me dëmet më të mëdha deri tek familjet me dëme më të vogla. <br /><br />Po ashtu ndërtimi i banesave individuale pritet të nisë më 10 Mars, ndërsa dëmshpërblim do të marrë çdo i dëmtuar sipas masës së dëmit të shkaktuar.<br /><br />Tv Klan
