Agjencitë amerikane të zbulimit japin alarmin se Rusia po ndërhyn sërish në zgjedhjet presidenciale amerikane për të ndihuar Donald Trump të sigurojë mandatin e dytë.<br /><br />New York Times shkruan se Komisionit të Inteligjencës në Dhomën e Ulët i është dërguar nga raport nga agjencitë e zbulimit ku ngrihej ky shqetësim. Raporti është diskutuar në një mbledhje me dyer të mbyllura më 13 Shkurt.<br /><br />Burime të New York Times thanë se Presidenti ishte irrituar me këtë dokument që mund të binte në duart e demokratëve që kanë shumicën në Dhomën e Ulët të Kongresit.<br /><br />Nuk kanë kaluar shumë ditë që kur Senati liroi nga akuzat penale të ngritura nga demokratët e Dhomës së Ulët për Presidentin Trump, për abuzim me detyrën në çështjen e Ukrainës.<br /><br />Raporti për ndërhyrjen e re të mundshme ruse mund të ketë qenë një nga arsyet pse Trump nuk nominoi Mecguiere si drejtues i Drejtorisë së Zbulimit Kombëtar.<br /><br />Në këtë post ai ishte i komanduar prej Gushtit të 2019-ës. Trump e zëvendësoi atë të enjten me ambasadorin në Gjermani dhe të dërguarin special për dialogun Kosovë ? Serbi, Riçard Grenell, i konsideruar si besnik i Presidentit. Zëdhënësi i Kremlinit, Dimitri Peskov, i konsideroi dyshimet e zbulimit amerikan si paranoja, duke shprehur keqardhjen.<br /><br />Tv Klan
