Masa të shtuara ndaj koronavirusit ka dhe në portin e Durrësit. Siç shihet edhe nga pamjet, mjekët kontrollojnë udhëtarët pa dalë nga trageti.<br /><br />Me termometër ata masin në distancë temperaturën e pasagjerëve.<br /><br />Në port mëngjesin e sotëm kanë mbërritur dy tragete me afro 340 pasagjerë.<br /><br />Mjekët thonë se nga kontrollet e kryera, nuk u identifikua asnjë pasagjer me simptoma të koronavirusit.<br /><br />Në rast dyshimi, udhëtari çohet në karantinë që ndodhet brenda portit, aty ku i nënshtrohet të tjera kontrolleve.<br /><br />Stafit mjekësor i vihet në dispozicion lista e pasagjerëve për të parë vendin e origjinës të gjithsecilit, nëse kanë ardhur nga zona e infektuar ose jo.<br /><br />Tv Klan
