Një vit nga djegia e mandateve, që shënoi dhe lëvizjen më radikale të një opozite në Shqipëri pas vendosjes së pluralizmit në vend, demokratët flasin për fitore të betejës së tyre.<br /><br /> ?Opozita ka arritur shume, e vetmja gjë që humbëm janë privilegjet tona si deputete, sot Rama është lakuriq?, shprehet Edi Paloka.<br /><br />Shqetësimi që shkaktoi kjo lëvizje e opozitës tek ndërkombëtarët e detyroi asokohe kryedemokratin që përpara turmës së protestuesve në 21 shkurt të adresonte edhe një mesazh për ta.<br /><br /> ?Mos kërkoni atë që nuk do ta lejonit me qytetarët tuaj??<br /><br />Sot, kjo deklaratë e Lulzim Bashës shihet në kampin blu si ndërgjegjësim edhe për vetë faktorin ndërkombëtar në betejën që opozita ka nisur për ndarjen e politikës nga krimi dhe zgjedhje të lira e të ndershme.<br /><br /> ?Nëse një vit më parë na thonin kthehuni në parlament sot e kanë detyruar Ramën të dalë nga ai parlament e të vijë në tryezën e reformës zgjedhore?, deklaron Paloka.<br /><br />Por a e ka fituar opozita bastin me strategjinë e ndjekur, ku pavarësisht daljes në bllok me një vendim, pati jo pak skeptikë dhe të dyzuar brenda radhëve të saj?<br /><br /> ?Kjo është rrugë e gjatë e vështirë, po s?kemi rrugë tjetër, s?na kanë lënë shteg?, thotë Dashamir Shehi.<br /><br /> ?Unë kam patur ato pikëpyetjet e mia të mëdha. Sot flasim me gjakftohtësi. Kemi ndërmarrë një vendim ndër më të rëndësishmit në pluralizmin shqiptar, ishte më se i domosdoshëm?, deklaron Nard Ndoka.<br /><br /> ?Akoma ky bast është në lojë se nuk besoj që edhe opozita vetë ka menduar se do arrijë aq sa ka arrit deri tashmë?, thotë Agron Duka.<br /><br />Më kritiku në gjirin e opozitarëve, kryerepublikani Fatmir Mediu, ende i qëndron idesë se beteja me kundërshtarin duhet bërë në institucione. E nëse në këtë betejë opozita ka fituar reformën elektorale Mediu thotë se ka humbur zërin e saj në parlament për institucionet e reja të drejtësisë.<br /><br /> ?Kam menduar qe beteja behet ne institucione. Çështja e kontrollit të drejtësisë ndërvaret nga prezenca apo pesha që ka opozita në parlament. Opozita pati një problem, se u lidh me tepër me procesin sesa qëndrimin politik.?<br /><br />Rikthimi i opozitës në parlament kalon përmes zgjedhjeve dhe kjo e fundit vijon ende me kushtin e saj të panegociueshëm, mbajtjen e tyre përmes një qeverie kujdestare.<br /><br />Tv Klan
