?Ndërsa Italia është në alarm për shkak të koronavirusit, në Aeroportin Kombëtar të Rinasit janë rritur masat për udhëtarët të cilët vijnë nga shteti italian?.<br /><br />?Në qoftë se më përpara bëheshin kontrollet për linjat në risk që vinin nga Turqia ose Vjena, tashmë do bëhen edhe të gjitha linjat që vijnë nga Italia. Shishet e dezinfektimit janë vënë vetëm tek kabinat e Policisë Kufitare, pasi ata kanë kontaktin e parë me pasagjerët?, thotë mjeku Lorenc Hashorva, Inspektor i ISHP.<br /><br />?Kjo maskë dhe një termometër lazer, janë mjete të cilat përdoren nga personeli shëndetësor në Aeroportin e Rinasit për kontrollin e temperaturës për pasagjerët?.<br /><br />Megjithatë, jo të gjithë pasagjeret i nënshtrohen kontrollit.<br /><br />?Nuk më kanë kontrolluar. Unë jam mjek vet dhe nuk e kuptoj se përse bëhet kaq e madhe. Nuk mund të kontrollohet çdo udhëtar që zbret nga Italia pasi do të krijohej një kaos?, thotë një pasagjer italian.<br /><br />Masa të tjera shtesë janë marrë edhe në portin e Durrësit. Vetëm paraditen e së dielës, në port kanë zbritur rreth 350 pasagjerë.<br /><br />?Një ekip mjekësor kontrollon udhëtarët që zbresin nga anijet. Deri tani nuk ka asnjë të dyshuar?.<br /><br />Siç shihet edhe nga pamjet, mjekët zhvillojnë kontrolle mjekësore në brendësi të tragetit. Edhe këtu, jo të gjithë i nënshtrohen testit të termometrit.<br /><br />Një dhomë karantine është gati edhe në pikën kufitare të Morinës.<br /><br />Deri tani, asnjë nga të kontrolluarit nëpër pikat e kalimit kufitar nuk u është nënshtruar procedurave të tjera, si i dyshuar me koronavirus.<br /><br />Tv Klan
