Rritja me shpejtësi e numrit të të infektuarve nga koronavirusi në shumë shtete ka shtuar frikën se përhapja e virusit vdekjeprurës mund të kthehet në një pandemi.<br /><br />Kina, Koreja e Jugut, Italia dhe Irani po luftojnë për ta mbajtur atë nën kontroll, por numri i të prekurve vijon të rritet.<br /><br />Pandemia shpallet kur një sëmundje infektive rrezikon të përhapet njëkohësisht në vende të ndryshme të botës dhe BBC, duke cituar ekspertë të shëndetësisë, shkruan se rastet në Korenë e Jugut, Iran dhe Itali flasin për një fazë fillestare të saj.<br /><br />Përhapja e virusit në këto vende nuk ka lidhje me Kinën dhe kjo e bën situatën shqetësuese.<br /><br />Të hënën, Afganistani, Kuvajti dhe Bahreini raportuan rastet e para, të gjithë njerëz që ishin kthyer nga Irani, një vend që numëron 12 viktima.<br /><br />Shefi i Organizatës Botërorë të Shëndetësisë, Tedros Adhanom Gebrejezus paralajmëroi se mundësia për ta mbajtur të izoluar virusin po zvogëlohet.<br /><br />Shpresat janë tek moti. Rritja e temperaturave zvogëlon jetëgjatësinë e virusit në ajër, pasi deri tani nuk ka asnjë vaksinë efikase kundër tij.<br /><br />Rreth 77 mijë persona janë infektuar në Kinë dhe 2600 kanë vdekur. Më shumë se 12,000 raste janë konfirmuar në 26 vende të tjera, ku ka pasur mbi 20 viktima. <br /><br />Raporti i vdekjeve nga koronavirusi është mes 1 dhe 2 përqind, por Organizata Botërore e Shëndetësisë thotë se nuk ka ende përllogaritje të sakta.<br /><br />Tv Klan
