Shqipëria nuk ka asnjë rast me koronavirus, pavarësisht përhapjes së shpejtë në Italinë fqinje. Tetë rastet e dyshuara nga Instituti i Shëndetit Publik, kanë rezultuar negativ. Por situata në Itali ka detyruar autoritetet të rrisin masat në kufi, veçanërisht në Rinas e Durrës.<br /><br />4 500 udhëtarë kanë hyrë në vendin tonë nëpërmjet rrugëve tokësore, ajrore dhe detare në 24 orë e fundit, të cilët ekspertët e shëndetësisë i kanë kontrolluar në lidhje me koronavirusin. Përhapja e virusit në vendin fqinj, Italinë, ka rritur sistemin alert në vendin tonë. Ministria e Shëndetësisë, Ogerta Manastiriu ka mbledhur Task Forcën në Aeroportin e Rinasit prej, ku dhe deklaroi se nuk do të pezullohen fluturimet me Italinë.<br /><br />?Në varësi dhe sipas shkallës së rrezikshmërisë, do të marrim masat përkatëse. Aktualisht Shqipëria nuk ka asnjë rast të prekur nga koronavirusi. Sa i përket mbylljes së kufijve, do të vlerësohet rreziku dhe në bazë të tij do të përcaktohen masat. Për momentin ne kemi dyfishuar ekipet e shëndetësisë në pikat kufitare, për të pasur kontroll të imtësishëm?.<br /><br />Kontrollet në Aeroportin e Rinasit kanë vijuar për çdo udhëtarë të ardhur nga Italia. Fluksi ka qenë tërësisht normal edhe në udhëtimet drejt Italisë, pavarësisht rritjes së numrit të të infektuarve nga koronavirusi.<br /><br />Veç kontrollit në kufi, Ministria e Shëndetësisë thotë se ka marrë të gjitha masat e nevojshme, sipas udhëzimeve të Organizatës Botërore të Shëndetësisë ndërsa bëri thirrje që situata të mos politizohet.<br /><br />Nëpër shkolla, mësuesit kanë nisur t?u shpjegojnë nxënësve rregullat e higjienës. Sistemi shëndetësor është ngritur në nivel gatishmërie dhe autoritetet apelojnë që të dëgjohen ekspertët, në mënyrë që të evitohet paniku.<br /><br />Tv Klan
