Pas shfaqjes së koronavirusit në Itali, institucionet e Kosovës kanë miratuar planin e gatishmërisë dhe reagimit. Ky plan ka të bëjë me planifikimin, parandalimin dhe monitorimin e situatës dhe vlerësimin e rrezikut.<br /><br />Ministri i Shëndetësisë Arben Vitia dhe drejtori i Institutit të Shëndetit Publik Naser Ramadani thonë se ky plan strategjik ka hyrë menjëherë në fuqi. Por në klinikën infektive ku u mbajt konferenca, gazetarët nuk u furnizuan me maska ndonëse ka një rast të dyshuar, madje as shumica e stafit mjekësor nuk i posedonin ato.<br /><br />?Është një rast i izoluar, që ka hyrë në mënyrë të izoluar, është në karantinë dhe nuk ka hyrë në korridoret ku ne gjendemi?.<br /><br />Për fat të mirë edhe ky rast ka rezultuar negativ ndaj koronavirusit.<br /><br />Në aeroportin Ndërkombëtar të Prishtinës nuk është gjendje emergjente, ndonëse ka dy herë në javë fluturime nga Verona e Italisë në Kosovë dhe anasjelltas.<br /><br />?Nuk kemi gjendje emergjente kemi një gjendje të zakonshme?.<br /><br />Ndërsa janë sugjeruar tri lokacione për karantinë në rast se është e nevojshme. Derisa thonë se klinika infektive është e furnizuar me barna të mjaftueshme në rast të paraqitjes së këtij virusi në Kosovë.<br /><br />Tv Klan
