Ka ndërruar jetë në moshën 91-vjeçare ish-presidenti i Egjiptit, Hosni Mubarak. Ai drejtoi këtë vend për 3 dekada, deri kur u detyrua të jepte dorëheqjen në vitin 2011, pas revoltave popullore që shpërthyen si pjesë e Pranverës Arabe.<br /><br />Mediat egjiptiane shkruajnë se ai ndërroi jetë në një spital ushtarak ku kurohej prej disa muajsh. Në Janar, ai iu nënshtrua një ndërhyrjeje kirurgjikale të vështirë, ndërsa gjendja shëndetësore e tij ka qenë e rëndë, por e qëndrueshme.Kjo është edhe foto e fundit, ku ish-presidenti shfaqet me nipin e tij pas operacionit. Që pas rënies nga pushteti, ai ka shfaqur vazhdimisht probleme shëndetësore si kancer e infarkte.<br /><br />Hosni Mubarak u dënua me vdekje nga gjykatat egjiptiane, pasi u shpall fajtor vrasjen e qindra protestuesve në revoltat e Pranverës Arabe. Por pas rrëzimit nga pushteti të Mohamed Morsit, pasardhësit të tij dhe ardhjes në pushtet të ushtarakut Abdel Fatah al-Sisi, Hosni Mubarak u lirua nga gjykata në Mars të 2017-s.<br /><br />Si ushtarak i forcave ajrore, Mubarak ka marrë pjesë në luftën arabo-izraelite të 1973-t. Ai u bë president, pas vrasjes së Anvar Sadatit, ndërsa ka luajtur në një rol të rëndësishëm në procesin e paqes izraelito-palestineze.<br /><br />Tv Klan
