100 pemë të reja i janë shtuar këtë të martë Parkut të Liqenit Artificial.<br /><br />Gjatë mbjelljes së pemëve, Kryebashkiaku Veliaj shprehu besimin se Bashkia e Tiranës këtë vit do të arrijë të mbjellë 100 mijë pemë të reja, ku një vëmendje e posaçme i është kushtuar lumit të Tiranës dhe zonës së Farkës.<br /><br />Veliaj zgjodhi këtë moment për të bërë me dije se Akademia e Arteve do të trefishojë hapësirat e saj, duke ofruar kushte më të mira për të rinjtë që studiojnë Muzikë, Arte të Bukura dhe Art Skenik.<br /><br />Me kërkesë të Kryeministrit, Bashkia do të udhëheqë projektin për pjesën shtesë të Akademisë së Arteve.<br /><br />Tv Klan
