Banesat që do të ndërtohen për të strehuar familjet e dëmtuara nga tërmeti përjashtohen të gjitha nga tatimi mbi vlerën e shtuar.<br /><br /><br />Qeveria ka zyrtarizuar vendimin, i cili heq TVSH-në për të gjitha ndërtimet e banesave, veprave publike, por edhe objekteve të tjera që janë dëmtuar nga tërmeti i 26 nëntorit.<br /><br />Sipas vendimit, nga TVSH-ja përjashtohen jo vetëm ndërtimet që financohen me fondet e buxhetit të shtetit, por edhe banesat e ndërtuara nga organizatat jo fitimprurëse dhe fondacionet bamirëse. Tatimi hiqet në të gjithë zinxhirin duke filluar që nga importi apo blerja e materialeve.<br /><br />Por si do të jetë procedura e përjashtimit? Sipas vendimit të qeverisë, kompanitë ndërtuese duhet të pajisen me autorizim nga drejtoria e përgjithshme e tatimeve. Për këtë kompanitë e ndërtimit duhet të bëjnë kërkesë tek tatimet duke paraqitur kontratën me institucionin prokurues ose me organizatën bamirëse si dhe preventivin e punimeve. Brenda pesë ditëve nga paraqitja e kërkesës drejtoria e tatimeve është e detyruar të lëshojë autorizimin ose ti kërkojë kompanisë dokumentacion shtesë nëse aplikimi nuk është i plotë.<br /><br />Ndërsa për të përfituar heqjen e TVSH-së për importin e materialeve të ndërtimit, kompanitë duhet të pajisen me autorizim nga drejtoria e doganave. Edhe në këtë rast ndiqet e njëjta procedurë.<br /><br />Sipas të dhënave zyrtare nga qeveria, programi i rindërtimit parashikon ndërtimin e mbi 17 mijë banesave dhe një sërë veprave publike, për një faturë totale e cila llogaritet në gati 1 miliardë euro.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#TVSH#Rindertim#TopChannel
