Numri i rasteve të koronavirusit në Itali ka shkuar në 528 dhe viktimat 14 ndërkohë që intensifikohen përpjekjet ndërkombëtare për të ndaluar përhapjen e virusit vdekjeprurës.<br /><br /><br />Rritja në Itali, vatrën më të madhe të infektimit në Evropë, përbën një rritje prej 25 për qindësh në 24 orë. Guvernatori i Lombardisë, Attilio Fontana, tha ndërkohë në një video në facebook se ai do të hynte në karantinë për dy javët e ardhshme, pasi një ndihmëse e tij kishte testuar pozitive për virusin. Lombardia, është rajoni më i prekur në Itali.<br /><br />Disa vende evropiane po ashtu njoftuan për raste të virusit që e kishin origjinën në Itali. Autoritetet në Danimarkë komunikuan të enjten rastin e parë të koronavirusit, një burrë që kish vizituar Italinë.<br /><br />Po ashtu edhe Rumania ka zbuluar pacientin zero, një 20 vjeçar që punonte në një restorant italian. Edhe në estoni është konfirmuar një rast i parë, por bëhet fjalë për një person të kthyer nga Irani. Infektimet e regjistruara të mërkurën, sipas OBSH, për të parën herë kanë kapërcyer ata në Kinë.<br /><br />Pekini tani druan për një rikthim të virusit dhe ka vendosur të imponojë një periudhë 14 ditore vetë-karantine për të gjithë ata që kthehen nga vendet e goditura, përfshirë Italinë. Sipas të dhënave të fundit, kina është në kuotën e 78190 rasteve në total, mes të cilëve 2178 viktima.<br /><br />Vetëm 10 raste të reja janë verifikuar 24 orët e fundit jashtë provincës së Hubeit, epiqendra e infeksionit ndërsa 411 raste janë konfirmuar në të gjithë vendin. E duket se masat e ndërmarra nga Xi Jinping, po funksionojnë. Jashtë Kinës, në total, janë regjistruar 2790 raste dhe 44 viktima, në rreth 40 vende të botës.<br /><br />Greqia dhe Maqedonia e Veriut, kanë konfirmuar rastet e para të koronavirusit, të kthyer nga Italia. Po ashtu edhe Gjeorgjia.<br /><br />Finlanda ka konfirmuar rastin e dytë të koronavirusit. Në Bruksel ndërkohë, eurodeputetët që kanë vizituar në 14 ditët e fundit katër rajonet italiane të konsideruara në rrezik, do të vendosen në karantinë 14 ditore.<br /><br />Ndërkohë, në Korenë e jugut janë regjistruar 284 raste të reja, ritmi më i lartë i regjistruar deri më tani, duke e çuar totalin në 1261, mes tyre 12 viktima. Ndërsa në Iran, shifrat zyrtare flasin për 139 të prekur dhe 22 viktima.<br /><br />Arabia saudite ndërkohë ka ndaluar pelegrinët e huaj të hyjnë në vend për pelegrinazhin e përvitshëm në Mekë duke thënë se nuk do që të kthehet në një Iran të dytë.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#TopChannel
