Moti i keq, shoqëruar me erë dhe dallgë, ka bërë që dy tragete në Portin e Durrësit të përplasen.<br />Ngjarja ka ndodhur në orët e vona të mbrëmjes, kur trageti i linjës së Ankonës i cili ka qenë duke dalë nga porti, është përplasur me një traget të linjës se Barit të ankoruar.<br />Nga përplasja nuk janë shënuar të lënduar në njerëz, po vetëm dëme të vogla materiale.<br />Me anë të një rimorkiatori, trageti ka mundur të pozicionohet me qëllim nisjen e lundrimit.<br />Më herët Kapiteneria e Portit të Durrësit njoftoi përkeqësimin e motit ku deti do të kapte forcën 7 ballë duke kërkuar që të bëhet kujdes në lundrim.
