Gjykata australiane e cila pritet që javën e ardhshme të japë dënimin për Petrit Lekajn, babain shqiptar që Korrikun e vitit të shkuar vrau vajzën e tij 20-vjeçare, ka bërë publike telefonatën e 47-vjeçarit me policinë, pak çaste pasi i kishte marrë jetën të bijës Sabrina.<br />Policia: Mund të më thuash çfarë ndodhi, ndoshta mund të vijmë tek vajza dhe ta ndihmojmë.<br />Lekaj: Jo, ajo iku...iku.<br />Duke ju druajtur faktit se më e keqja kishte ndodhur, oficeri i policisë u përpoq si mundej, që Lekaj t'i tregonte vendndodhjen. <br />Policia: Jam një oficer policie, a mund të flasësh me mua?<br />Lekaj: Thjesht po pres që të vdes.<br />Policia: Nuk duam që t'ju ndodhë diçka e tillë, duam që t'ju sjellim dikë që të flasë me ju dhe të shohë nëse mund t'ju ndihmojë, ju lutem.<br />Lekaj: Nah, nah... nuk dua asnjë lloj ndihme. Dua vetëm... nuk dua ndihmë. <br />Policia: Shok, do doja vërtetë të sjell oficerët e policisë që të flasin me ty dhe mund ta zgjidhim nga aty.<br />Lekaj: Ok.<br />Policia: Ku ndodhesh shoku im?<br />Lekaj: Nuk jam i sigurt... nuk jam i sigurt vërtetë. <br />Kur policia më në fund arriti ta gjente vendndodhjen e tij, Lekaj nuk ndaloi, por vijoi t'i jepte makinës, ndonëse me shpejtësi të ulët. Ai po ecte nëpër rrugë me trupin e pajetë të vajzës së tij 20-vjeçare Sabrina në sediljen e pasagjerit.<br />Përveç telefonatës, në mediat australiane është botuar edhe dëshmia e babait para oficerëve të policisë. Ai u tha atyre se Sabrina kishte ulëritur për ndihmë, por kjo nuk e kishte ndalur që t'i merrte jetën.<br />"E godita me thikë kur nuk po më shikonte, thjeshtë po fliste. Nuk pati asnjë bisedë, ajo thjeshtë ulëriste për ndihmë. Disa herë, vijova ta godisja me thikë". <br />Petrit Lekaj, një ish-i dënuar për trafik heroine e ka pranuar akuzën për vrasjen e vajzës së tij Sabrina, vetëm pak metra larg shtëpisë së tyre në Adelaide të Australinë. <br />Ai mendonte se e bija po flakte tutje jetën e saj duke përdorur drogë e për këtë arsye e goditi atë fillimisht me thikë në bark. Kur ajo nisi të kërkonte ndihmë, ai doli në sediljen e pasme, e kapi nga fyti dhe më pas e goditi edhe 7 herë të tjera. Pas kësaj ai tentoi të vetëvritej, por arriti t'i shpëtonte plagëve të marra.
