Biftek viçi të pjekur me kunguj dhe domate<br /><br />Përbërësit:<br /><br />4 biftekë viçi<br /><br />2 kunguj të njomë<br /><br />10 domate qershi<br /><br />50 gr djathë emental<br /><br />Majdanoz<br /><br />Përgatitja:<br /><br />Pastrojmë biftekët nga lëkura, i shtypim pak me çekiçin e mishit, i marinojmë me kripë dhe piper të zi, i lyejmë copat e biftekut me vaj me anë të një furçe.<br /><br />Nxehim tiganin dhe më pas vendosim copat e mishit, i lëmë sa të ndryshojë ngjyrë pjesa e poshtme për 3-4 minuta dhe e kthejmë nga ana tjetër.<br /><br />Mbi çdo fetë bifteku, pasi i kemi lyer vendosim kunguj të prerë në shkopinj të vegjël, gjysmë domate qershi, mbi domate vendosim pak djathë emental të grirë nga ana e trashë e rendes.<br /><br />Më pas I vendosim në furrë në temperaturë 180 gradë Celsius, për 5 minuta. E servirim duke e spërkatur me pak majdanoz. Sipas shijes, mund të vendosim dhe 1 dorë rukola.
