Pas 1 viti e 4 muajsh bllokimi rinisin punimet për Unazën e Madhe të kryeqytetit nga Pallati me Shigjeta te Sheshi Shqiponja. Punimet në këtë kantier për zgjerimin e akseve përgjatë zonës së Astirit dhe ndërtimit të nënkalimit Shqiponja do të kryhen përgjatë 24 orëve në mënyrë që vepra të përfundojë sa më shpejt.<br /><br />Në varësi të punimeve në këtë aks Autoriteti Rrugor dhe Policia e Qarkullimit Rrugor do të devijojnë trafikun për në dy nyje për mjetet që vijnë nga Durrësi: në fillim të rrugës Dardania dhe të asaj Kasem Shima. Mbikalimi te Casa Italia do të devijohet me dy korsi, ndërsa për automjetet që vijnë nga Zogu i zi, korsitë do të reduktohen në 3 për 100 metrat e fundit përpara se të hyjnë të sheshi Shqiponja, ku do të lejohet qarkullimi i tyre.<br /><br />Aktualisht janë duke u kryer shpronësimet në pjesën e Shkozës dhe po punohet për projektin e lidhjes së nënkalimit Shqiponja me stacionin e Trenit në mënyrë që e gjithë Unaza e Madhe të përfundojë.<br /><br />Aksi nga Pallati me Shigjeta te rrethrrotullimi Shqiponja duhet të përfundojë brenda 2 vjetësh, pas një skandali të hapur me një firmë amerikane që fitoi fillimisht tenderin përmes dokumenteve të falsifikuara dhe pas një procesi të gjatë tenderimi dhe ankesash të cilat u zgjidhën në Shtator të vitit që shkoi, pasi projekti ndryshoi dhe njëherë.<br /><br />Tv Klan
