Organizata Botërore e Shëndetësisë e rriti nivelin e alarmit për koronavirusin. Rreziku i përhapjes globale është shumë i lartë edhe pse situata në Kinë po stabilizohet, thuhet në një deklaratë të saj. <br />Gjendja është më shqetësuese në Itali. Numri i të infektuarve ka arritur në 889, por mbi 400 janë pa simptoma. <br />21 persona kane humbur jetën, ndërsa të shumtë janë italianët që kanë shpërndarë virusin nëpër Europë dhe në Afrikë. <br />Harta e përhapjes së virusit po zgjerohet. <br />Gjermania i frikësohet shpërthimit të një epidemie, ndërsa Shtetet e Bashkuara të Amerikës po përgatiten për një rritje të numrit të të prekurve. <br />Për të parën herë që kur virusi u zbulua muaj më parë, të Premten e 28 Shkurtit u regjistruan më shumë raste të reja nëpër botë sesa në Kinë. <br />Aktualisht janë 49 shtetet që kanë konfirmuar raste të virusit të rrezikshëm. 8 iu shtuan listës vetëm të Enjten. <br />Numrin më të lartë me 79 251 të prekur dhe 2 835 viktima e mban Kina. <br />Teksa Organizata Botërore e Shëndetësisë i frikësohet shpërthimit të një pandemie, specialistet e virologjisë thonë se virusi mund të zhduket me rritjen e temperaturave, me ardhjen e pranverës në hemisferën veriore.
