Gjykata e Durrësit ka dhënë masën e sigurisë arrest me burg për vrasësin e gruas së tre fëmijë.<br /><br />Përpara trupit gjykues Ruzhdi Tasuni pranoi se ka vrarë bashkëshorten në gjaknxehtësi e sipër për shkak të mosmarrëveshjeve që kishin në cift, veprim për të cilin është penduar.<br /><br />Me lot në sy, ai tha se ka pasur shumë mosmarrëveshje me bashkëshorten dhe atë ditë konflikti ka agravuar rrugës për në punë dhe më pas në dyqan. Teksa i kërkoi falje vajzave, ai sqaroi se debatet kanë nisur për shkak të borxheve dhe marrëdhënies së tensionuar që ata kishin.<br /><br />Seanca u ndoq nga kushërinjtë e bashkëshortit vrasës, ndërsa të pranishme nuk ishte asnjë nga tre vajzat e çiftit. Ruzhdi Tasuni vrau bashkëshorten e tij Hajdie Tasuni me levë hekuri pak ditë më parë.<br /><br />Në pjesën e pasme dhe të majtë të kokës ajo u godit gjatë herë, duke e lënë të vdekur në vend. Pas kësaj ai njoftoj policinë, duke pranuar krimin.Ngjarja ndodhi në lagjen numër 12 Durrës në dyqanin e tyre.<br /><br />Tv Klan
