Propozimet e demokratëve për rishikimin e rolit të prokurorisë në zgjedhje dhe kalimin e hetimit të korrupsionit zgjedhor si pjesë e kompetencave të SPAK, u panë me rezerva nga socialistët, të cilët i kërkuan menjëherë mendim Prokurorit të Përgjithshëm, Olsian Cela.<br /><br /><br />Top Channel ka siguruar përgjigjen e numrit 1 të organit të akuzës për komisionin e reformës zgjedhore, mbi propozimet ligjore të demokratëve, për të cilat sugjeron rishikimin e tyre.<br /><br />Organi i akuzës pranon hetimin e krimeve aktive e pasive elektorale nga organet e reja të drejtësisë, por kërkon riformulim të dispozitës sa i takon kalimit të hetimeve nga një Prokurori në tjetrën në përputhje me parashikimet kushtetuese. Kryeprokurori gjithashtu, vlerëson se ai nuk mund të udhëzojë prokuroret për ngritjen e grupeve hetimore për krimet elektorale 2 javë para datës së zgjedhjeve, ashtu sikurse kërkon PD, pasi cënohet pavarësia e institucioneve hetimore.<br /><br />Edhe propozimi për raportimin e Prokurori i Përgjithshëm përpara Kuvendit mbi situatën e kriminalitetit 3 muaj nga përfundimi i periudhës zgjedhore, shihet me rezerva nga organi i akuzës për sa kohë ka raportimeve vjetore te tij në Parlament.<br /><br />Puna për ndryshimin e kodit elektoral ka arritur në një fazë të rëndësishme. Dy javë nga miratimi në Parlament, palët duhet të ruajnë ekuilibrat e brishtë të tryezës politike, si dhe të arrijë dakordësinë për ndryshimin e sistemit zgjedhor, rolin e prokurorisë në hetimin e krimeve zgjedhore dhe pezullimi nga vetingu te gjyqtarëve, të cilët duhet të vendosin për ankimimet zgjedhore.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#SPAK#KrimetZgjedhore#TopChannel
